شعر روعه لايطوفكم

البارحه بيـن المدامـع والسهـر والذكريـات
مل السهـر منـي ومليـت المدامـع والسهـر
كنت أنتظرك ودمعتي تذرف ومات الصبر مات
والعمر يركض والسنيـن تمـر وانـا منتظـر
يرضييك تتركني على درب المسافـه والشتـات
الريـح ترمينـي وتحظنـي مسافـات السفـر
أنساك والدنيا توزعنـي علـى كـل الجهـات
واذكرك وتواجهني أحلامي وأموت من القهـر
يعني حياتي كلهـا صـارت كتـب ومذكـرات
خلفي جدار ومن يميني جـدر ويسـاري جـدر
سكة قطار الصبح تخنقني صخـب ومهاتـرات
وأرجع والم أنفاس صـدري للحقيقـه وأنتثـر
من قال ما أحبك وأنا عايش حياتي فـي سبـات
إحساس قلبي مات وأيامي علـى كـف القـدر
أضحك وأنا في داخلي للحـزن سبـع معلقـات
أكتم صداهـا وأتجاهلهـا مـن أيـام الصغـر
كم من قصيده راحت من البال في غيابك وجات
أحرق بها دمي وتنببـت فـي شرايينـي زهـر
صبيت في عمري ضمى الترحال يالعذب الفرات
نصفي رماد ونصفي الثاني مـن الفرقـا جمـر
أنا الغريب الي تعب يطـرد سـراب الأمنيـات
وأنت آخر امالي ولابقـاي عـن غيابـك عـذر
وإن كان ماتدري عن غيابـك بـدون مقدمـات
هذا غيابـك يابعـد عمـري كـذا بالمختصـر